"Özbəkistan Qazaxıstanın ən böyük ticarət tərəfdaşlarından biridir. Qazaxıstanın Mərkəzi Asiya ölkələri ilə ümumi ticarət dövriyyəsinin 57%-dən çoxu Özbəkistana məxsusdur. Son 5 ildə ikitərəfli ticarət dövriyyəsi artıb. Bu göstərici 29% artaraq 2022-ci ildə 5 milyard dollara çatdı Biz ticarətdə problemləri sistemli şəkildə həll etməli və ticarət dövriyyəsinin yeni artım nöqtələrini tapmalıyıq. Ona görə də ortamüddətli perspektivdə 10 milyard dollarlıq hədəfə nail olmağa çalışmalıyıq”.

Newscenter.az "Sputnik Qazaxıstan"a istinadən bildirir ki, bu barədə “Qazaxıstan-Özbəkistan” biznes forumunda bildirilib.

Özbəkistan Baş nazirinin müavini Cəmşid Xocayev qeyd edib ki, belə tədbirlər ikitərəfli əməkdaşlığın möhkəmlənməsinə güclü təkan verir. O qeyd edib ki, Qazaxıstan Özbəkistanın əsas iqtisadi tərəfdaşlarından biridir.

"İki ölkə arasında sənaye əməkdaşlığı fəal inkişaf edir ki, bu da 3,1 milyard dollar dəyərində 69 layihənin və 14,7 mindən çox iş yerinin yaradılmasını nəzərdə tutur. Artıq 217 milyon ABŞ dolları məbləğində 12 birgə layihə uğurla həyata keçirilib. Bu, məişət texnikası, yük və minik avtomobilləri, traktor istehsalıdır. Aktiv mərhələdə ümumi dəyəri 178 milyon dollardan çox olan üç investisiya layihəsi həyata keçirilir. Onların arasında Taraz şəhərində 500 min ton polad məmulatları istehsal edən elektrik metallurgiya zavodu və Çimkənd şəhərində infuzion məhlulların istehsalı zavodu var".

Natiq Orucov