Ötən il Türkiyə hava məkanında 2 milyon 290 min 581 uçuş həyata keçirilib ki, bunun da 521 min 724-ü tranzit uçuşlar olub.

Newscenter.az Türkiyənin Dövlət Hava Limanları İdarəsinə (DHMİ) istinadən bildirir ki,
hər 14 saniyədən bir təyyarə ölkə səması üzərindən keçib. 2024-cü ilin sonuna daxili və beynəlxalq xətlərdə sərnişinlərin ümumi sayı 230,2 milyonu ötüb.

Məlumata görə, Türkiyənin hava daşımaları sahəsində müqaviləsi olduğu ölkələrin sayı 81-dən 175-ə yüksəlib.

2024-cü ilin sonu etibarilə yerli hava nəqliyyatı 902 min 78, beynəlxalq hava nəqliyyatı isə 866 min 779 olub.

Bu dövrdə kommersiya uçuşlarının sayı 1 milyon 412 min 238 olaraq qeyd edilərkən, bu uçuşlar təyyarələrin eniş və qalxışlarının 62 faizini təşkil edib.

Mehman Mehdiyev