Fələstinə dəstək verən ölkələrin Haaqa Qrupu yaradılıb.

Newscenter.az Reuters-ə istinadən bildirir ki, qrupa Beliz, Boliviya, Kolumbiya, Kuba, Honduras, Malayziya, Namibiya, Seneqal və Cənubi Afrika Rüspublikası daxildir. “Haaqa Qrupu” Fələstinlə həmrəylik və İsrailə qarşı ortaq siyasətlər inkişaf etdirmək üçün yaradılıb.

Hollandiyanın inzibati paytaxtı Haaqada keçirilən toplantıda bir araya gələn ölkə nümayəndələri birgə bəyanatla çıxış edərək, İsrailin Qəzzada törətdiyi hərəkətləri “soyqırım” kimi qiymətləndiriblər.

Qrup, Beynəlxalq Ədalət Məhkəməsinin (ICJ) 18 iyul 2024-cü il tarixli məsləhətçi rəyini, İsrailin işğalının qeyri-qanuni olduğunu və dərhal sona çatmasının zəruriliyini qeyd edib. Həmçinin qrup Beynəlxalq Cinayət Məhkəməsinin (ICC) 21 noyabr 2024-cü il tarixli qərarını dəstəkləməyə söz verib.

Anar Əliyev