Hindistanın baş naziri Narendra Modinin Rusiyaya səfəri nəzərdə tutulur.

Newscenter.az TASS-a istinadən bildirir ki, Hindistan baş nazirinin Böyük Vətən Müharibəsində Qələbənin 80-ci ildönümü ilə bağlı mayın 9-da Moskvanın Qızıl Meydanında keçiriləcək paradda iştirakı planlaşdırılır.

Baş nazirin mayın 9-da Moskvaya gələcəyi nəzərdə tutulur.

Bundan əvvəl Rusiyanın xarici işlər naziri Sergey Lavrov bəyan edib ki, dəvət olunmuş bir çox ölkələr Böyük Vətən Müharibəsində Qələbənin 80 illiyi ilə bağlı mayın 9-da Moskvada keçiriləcək tədbirlərdə iştirak edəcəklərini təsdiqləyiblər.

Rusiya prezidentinin mətbuat katibi Dmitri Peskov isə qeyd edib ki, 9 May bayramında iştirak etmək üçün təkcə MDB-dən deyil, müxtəlif ölkələrdən də xarici liderlər Moskvaya dəvət olunacaq.

Anar Əliyev