Qazaxıstanda su və çay hövzələrində ekologiyanın qorunmasına 12 milyon dollar xərclənəcək.

Newscenter.az "Sputnik Qazaxıstan"a istinadən bildirir ki, bu barədə su ehtiyatları və irriqasiya naziri Nurjan Nurjigitov açıqlama verib.

Nazir qeyd edib ki, Fransa İnkişaf Agentliyinin (AFD) dəstəyi ilə Balxaş gölünün baş planının hazırlanması üçün 1,35 milyon avro qrant ayrılıb. Qazaxmys Korporasiyası Balxaş gölünün ekosistemini qorumaq üçün 5 milyon dollar ayırmağı düşünür. Yaponiya hökuməti isə Daşqınlara Qarşı Mübarizə Layihəsi üçün təxminən 2 milyon ABŞ dolları məbləğində qrant verməyə razılaşıb.

İslam İnkişaf Bankı ilə əməkdaşlıq çərçivəsində su və çay hövzələrində ekoloji və idarəetmə məsələlərinin öyrənilməsi və qiymətləndirilməsi üçün ümumi dəyəri 3,5 milyon ABŞ dolları dəyərində texniki yardımın göstərilməsi haqqında saziş imzalanıb. Bu qrant çərçivəsində Qazaxıstan Su Ehtiyatları Elmi-Tədqiqat İnstitutunun işi dəstəklənəcək.

Cavid İmaməliyev