Sputnik Qazaxıstan müxbiri xəbər verir ki, Maliyyə Nazirliyinin Dövlət Gəlirləri Komitəsinin sədr müavini Janibek Nurjanov sahibkarlara sərvət vergisinin tətbiq edilməyəcəyini açıqlayıb.
Qazaxıstanda 2026-cı ildən yeni Vergi Məcəlləsi qüvvəyə minəcək.Ona əsasən, “lüks vergisi” tətbiq ediləcək. Belə vergi yalnız fiziki şəxslərə tətbiq olunacaq.
"Bəli, belə vergi yalnız fiziki şəxslərə tətbiq olunacaq. Fərdi sahibkarlar bunu ödəməyəcək. Biz bilərəkdən sahibkarlıq subyektlərini bura daxil etməmişik. Çünki bəzi hüquqi şəxslərə bahalı avtomobillər, bahalı təyyarələr, bahalı ofislər lazımdır. Ona görə də biz bunu yalnız fiziki şəxslərin üzərinə qoyacağıq", - Nurjanov yeni Vergi Məcəlləsinin izahı ilə bağlı keçirilən seminarda deyib. Məcəlləyə əsasən, daşınmaz əmlakın dəyəri 450 milyon tengedən çox olarsa, əmlak vergisinin dərəcəsi artacaq. Baza dərəcəsi ildə 3 milyon tenge təşkil edəcək. Və ümumi dəyəri aşan məbləğdən daha 2 faiz tutulacaq. Eynilə, dəyəri 75 milyon tengedən çox olan minik avtomobillərinə, həmçinin bahalı gəmi və təyyarələrə də aksiz vergisi tətbiq olunacaq.