İsrail hakimiyyəti ABŞ prezidenti Donald Trampın Qəzza zolağında atəşkəs və İsrail-Fələstin münaqişəsinə son qoyulması planının hazırlanmasında iştirak edib və yekun sənədə bir sıra düzəlişlər edib.

Newscenter.az-ın xəbərinə görə, bu barədə “The Wall Street Journal” (WSJ) yazıb.

Nəşrin yazdığınagörə, ən diqqətçəkən düzəliş dövlətçilik məsələsinə aiddir. Planın mətnində müstəqil Fələstin dövlətinin yaradılmasının mümkünlüyü qeyd olunur, lakin iki dövlətli həll variantından heç bir bəhs edilmir. Qeyd olunur ki, Fələstin-İsrail münaqişəsinin iki dövlət əsasında həllinin aydın perspektivi olmasa, Səudiyyə Ərəbistanının Amerika liderinin planını maliyyələşdirməsi ehtimalı kifayət qədər aşağıdır.

Ağ Ev bundan əvvəl Qəzza zolağında münaqişənin həlli planını dərc edib. O, hərbi əməliyyatların tamamilə dayandırılmasını və Fələstinin radikal HƏMAS hərəkatı tərəfindən saxlanılan girovların 72 saat ərzində azad edilməsini tələb edir. Bundan başqa, sənəd Qəzza zolağının keçid dövrü üçün xarici idarəetməyə verilməsini təklif edir. Anklavın sakinlərinə gedib qayıtmaq imkanı veriləcək.

Mehman Mehdiyev