Parlament islahatlarının bir hissəsi olaraq Konstitusiyaya bir çox düzəlişlər edilə bilər.

Newscenter.az "Sputnik Qazaxıstan"a istinadən bildirir ki, bunu prezident Kasım Jomart Tokayev deyib. Tokayev deputatların sayının artırılmasını da mümkün hesab edib:

"Deputatların sayının əhaliyə mütənasib olması ilə bağlı fikirlər var. Əgər buna bu baxımdan yanaşsaq, onların sayı 200 nəfərə çatacaq. Hazırda ikipalatalı parlamentdə 148 deputat var. Parlament islahatı sadəcə iki palatanın birləşdirilməsi demək deyil. Mənim fikrimcə, deputatların sayını çox artırmağa ehtiyac yoxdur. Əksinə, optimallaşdırılmalıdır".

Tokayev, "Qanunvericilik orqanı ixtisaslı və təcrübəli mütəxəssislərlə, yəni öz işinin ustaları ilə doldurulmalıdır. Bir sözlə, həqiqətən peşəkar bir parlament yaratmalıyıq. Yeni komitələrin yaradılması məsələsini nəzərdən keçirməliyik. Hesab edirəm ki, rəqəmsallaşdırma və regional inkişafla məşğul olan ayrıca komitələrin olması məqsədəuyğundur. Bu məsələlər xüsusi işçi qrupu tərəfindən diqqətlə öyrəniləcək", - deyə qeyd edib.

Prezident deyib ki, parlament islahatlarının bir hissəsi olaraq Konstitusiyaya çoxlu düzəlişlər ola bilər.

Cavid