Rusiya 14-15 dekabr tarixlərində Florida ştatının Mayami şəhərində keçiriləcək İyirmilik Qrupunun (G20) sammitində ən yüksək səviyyədə iştirak etməyə dəvət olunub. Bu barədə Rusiya xarici işlər nazirinin müavini Aleksandr Pankin BMT-nin mənzil-qərargahında jurnalistlərə açıqlamasında bildirib.
"Ən yüksək səviyyədə iştirak etmək üçün dəvət var", - deyə o bildirib.
G20 sammitində Rusiyanı kimin təmsil edəcəyi ilə bağlı suala cavab olaraq Pankin bildirib ki, tədbirin tarixinə yaxın bu məsələ ilə bağlı aydınlıq daha da artacaq.
ABŞ Maliyyə Naziri Skott Bessentin bəyan etdiyi kimi, ABŞ administrasiyası iqtisadi artımın stimullaşdırılmasına, maliyyə tənzimləmə sisteminin modernləşdirilməsinə, borc şəffaflığının artırılmasına və borcun restrukturizasiyasının asanlaşdırılmasına, rəqəmsal aktivlərin inkişafına, ödəniş fırıldaqçılığına qarşı mübarizəyə və maliyyə savadlılığının təşviq edilməsinə prioritet vermək niyyətindədir.
