Çinin cənubundakı Quansi Çjuan Muxtar Rayonunda baş verən 5,2 bal gücündə zəlzələ nəticəsində ən azı iki nəfər həlak olub.

Newscenter.az xəbər verir ki, bu barədə Sinxua agentliyi məlumat yayıb.

Məlumata görə, Liuzhou şəhərinin Liunan rayonunda seysmik aktivlik nəticəsində ən azı 13 yaşayış binası uçub. Zəlzələdən sonra 7000-dən çox insan təxliyə edilib. Dörd nəfər xəstəxanaya yerləşdirilib. Xilasedicilər əvvəllər itkin düşmüş kimi qeydə alınmış bir nəfəri tapıblar.

Çin Zəlzələ Administrasiyası əvvəllər zəlzələ ilə bağlı dörd təcili yardım səviyyəsindən üçüncüsünü aktivləşdirmişdi ki, birincisi ən yüksək idi.

Arzu