Rusiya neftini almağa davam edən ölkələrə qarşı sanksiyalara icazə verən qanun layihəsi ABŞ Konqresində irəli sürülür.

Newscenter.az-ın TASS-a istinadən verdiyi xəbərə görə, bu barədə Cənubi Karolina ştatından olan respublikaçı senator Lindsi Qraham bildirib.

Qraham özünün Facebook səhifəsində yazıb:

"Biz Prezident Donald Trampa Rusiyanı ucuz neft almaqla dəstəkləməyə davam edən ölkələrə sanksiyalar tətbiq etməyə imkan verəcək qanunvericilik təklif etmişik və bu istiqamətdə işləyirik".

Senator həmçinin qeyd edib ki, qanun layihəsi ABŞ liderinə Amerikanın maraqlarını irəli sürmək imkanı verəcək.

Bloomberg əvvəllər Hindistan hakimiyyətinin ABŞ administrasiyasından Rusiyadan neft almaq üçün lisenziyalarının müddətini uzatmasını istədiyini bildirmişdi. Mart ayında ABŞ hakimiyyəti bu tarixdən əvvəl gəmilərə yüklənmiş Rusiya nefti və neft məhsullarının satışına qoyulan sanksiyaları ləğv etdi, qərar sonradan uzadıldı və genişləndirildi. Vaşinqton bu addımı ABŞ-ın İrana qarşı müharibəsinin nəticələri səbəbindən neft qiymətlərinin kəskin artması fonunda atdı.

Aygün