Bu gün Özbəkistanın Şərqlə Qərbi birləşdirən əsas quru nəqliyyat mərkəzinə çevrilmək üçün geniş imkanları var. Ölkəmizin ərazisindən beynəlxalq əhəmiyyətli 4 min kilometrlik tranzit dəhlizləri keçir və 4 min 700 kilometrlik dəmir yolu şəbəkəsi mövcuddur.

Newscenter.az xəbər verir ki, bunları Özbəkistan Prezidenti Şavkat Mirziyoyev deyib. Onun sözlərinə görə, Daşkənd, Nəvai və Namanqanda müasir nəqliyyat və logistika mərkəzləri və "quru limanları" inkişaf etdirilir:

"Nəvai Hava Limanı Avrasiya hava dəhlizlərində mühüm yük mərkəzi kimi xidmət edir. Eyni zamanda, "Çin - Qırğızıstan - Özbəkistan" dəmir yolunun tikintisi və Trans-Əfqan dəmir yolu layihəsinin sürətləndirilməsi ölkəmizin regional və beynəlxalq nəqliyyat sistemindəki mövqeyini daha da gücləndirəcək".

Mirziyoyev qeyd edib ki, bu böyük layihələrin işə salınması nəticəsində Özbəkistan Sakit Okeandan Avropaya ən qısa quru dəhlizində əsas əlaqə nöqtəsinə çevriləcək:

"Bu marşrut yük daşıma müddətini ənənəvi marşrutlarla müqayisədə 3 dəfəyə qədər, 8 günə qədər azaldacaq. Həmçinin, təxminən 2 milyard əhalisi olan Hind okeanına, Cənubi Asiya bazarlarına ən sürətli marşrut Pakistanın Karaçi və Qvadar limanları vasitəsilə açılacaq".

Süleyman