Gürcüstanda Özbəkistan səfirliyi açılacaq.

Newscenter.az "Sputnik Özbəkistan"a istinadən bildirir ki, bu barədə Özbəkistan Prezidenti Şavkat Mirziyoyev və Gürcüstanın Baş naziri İrakli Kobaxidze arasında keçirilən görüşdə məlumat verilib.

Belə ki, görüşdə Gürcüstanda Özbəkistan Respublikasının səfirliyinin açılması barədə qərar qəbul edilib.

Görüşdə Şavkat Mirziyoyev qeyd edib ki, 23 ildən sonra ilk dəfə həyata keçirilən bu dövlət səfəri Özbəkistan-Gürcüstan münasibətlərini yeni səviyyəyə qaldıracaq.
Tərəflər hökumətlər, parlamentlər, işgüzar dairələr arasında aktiv əlaqələrin, eləcə də mədəni və humanitar mübadilələrin davam etdirilməsinin vacibliyini vurğulayıblar.

Süleyman