Marin Le Pen və ya solçu Jan-Lük Melanşon 2027-ci il prezident seçkilərində qalib gələcəyi təqdirdə Fransa "könüllülər koalisiyası"ndan çıxa bilər.

Newscenter.az xəbər verir ki, bu barədə " The Daily Telegraph" yazıb.

Nəşrin qeyd etdiyi kimi, Le Pen və Melanşon Fransa prezidenti Emmanuel Makronun militarist və Rusiya əleyhinə siyasətini dəstəkləmirlər və bu da Londonda narahatlıq doğurur.

“The Daily Telegraph” qəzetinin məlumatına görə, Britaniya hakimiyyəti etiraf edir ki, yeni Fransa prezidenti “könüllülər koalisiyası”nın gələcəyini və ölkələr arasında kəşfiyyat məlumatlarının paylaşılmasını şübhə altına ala bilər.

Qəzet vurğulayıb ki, bununla əlaqədar olaraq, NATO üzv ölkələrinin diplomatik dairələrində Ukraynanı dəstəkləyən aparıcı güclərdən biri kimi Fransanı kimin əvəz edə biləcəyi ilə bağlı müzakirələr başlayıb. Almaniya ən açıq seçim hesab olunur, lakin mürəkkəb daxili siyasi vəziyyət Almaniya kansleri Fridrix Merzin Berlini Ukraynadakı münaqişəyə daha dərindən cəlb etməsinə mane ola bilər.

Qeyd edək ki, "Könüllülər Koalisiyası" Ukraynaya yardım göstərmək üçün əsasən Avropa ölkələrindən ibarət 30-dan çox ölkənin qeyri-rəsmi birliyidir. O, 2025-ci ilin yazında yaradılıb. Birləşmiş Krallıq və Fransanın rəhbərlik etdiyi koalisiya, münaqişə bitdikdən sonra hərbi kontingentlərin yerləşdirilməsi də daxil olmaqla, Ukrayna üçün təhlükəsizlik zəmanətləri hazırlayır.

Anar