Qazaxıstan Prezidenti Kasım-Jomart Tokayev ölkənin 2020-2030-cu illər üçün xarici siyasət konsepsiyasında dəyişiklik edilməsi barədə fərman imzalayıb.

Newscenter.az "Sputnik Qazaxıstan"a istinadən bildirir ki, konsepsiyadan respublikanın ilk prezidenti Nursultan Nazarbayevə olan istinadlar çıxarılıb.

Sənəddə qeyd olunur ki, xarici siyasətin fundamental prinsipləri haqqında fəsildə respublikanın artıq ölkənin inkişafının yeni mərhələsində xarici siyasət kursunun davamlılığını həyata keçirəcəyini müəyyən etmək üçün dəyişiklik edilib. Sənədin əvvəlki versiyasında Qazaxıstanın ölkənin inkişafının yeni mərhələsində ilk prezident Elbası N.A. Nazarbayevin xarici siyasət kursunun davamlılığını həyata keçirəcəyi bildirilirdi.

Fərmanda həmçinin xarici siyasətin həyata keçirilməsi vasitələri bölməsindən Nazarbayevə tarixi missiyasına görə, Qazaxıstan xalqına, dövlət qurumlarına və vəzifəli şəxslərə ən vacib xarici siyasət məsələləri ilə bağlı təşəbbüslərlə müraciət etmək üçün ömürlük hüququna malik olduğu istinad da çıxarılıb.

Bundan əlavə, sənəddə bu il qəbul edilmiş yeni konstitusiyaya əsasən, parlament termini respublikanın birpalatalı qanunvericilik orqanının yeni adı olan "Kurultai" ilə əvəz olunur.

Süleyman