ABŞ Prezidenti Donald Tramp süni intellektin (Sİ) inkişafının bəşəriyyətin mövcudluğuna təhlükə yarada biləcəyi ilə bağlı heç bir narahatlığının olmadığını bildirib.
"Xeyr, məndə yoxdur", - deyə Amerika lideri jurnalistin "süni intellekt insanların məhvinə səbəb olacaq" narahatlığının olub-olmadığı ilə bağlı sualına cavab verdi. O əlavə etdi: "Süni intellektdə qalib gəlməsək, özümüzü çox pis vəziyyətdə tapacağımızdan narahatam". Amerika lideri hazırda ABŞ-ın bu sahədə digər ölkələrdən öndə olduğuna əminliyini ifadə etdi.
Tramp Respublikaçıların Milli Konqresində çıxış etdiyi Dallasdan (Texas) uçmazdan əvvəl jurnalistlərin suallarını cavablandırıb.
