Beynəlxalq Atom Enerjisi Agentliyinin (IAEA) 70-ci Baş Konfransı çərçivəsində Özbəkistan və Türkiyə arasında radiasiya və nüvə təhlükəsizliyi sahəsində əməkdaşlığın inkişaf etdirilməsi üçün mühüm razılaşma əldə edilib.

Newscenter.az Özbəkistan Milli Xəbər Agentliyinə istinadən bildirir ki, xüsusilə, Sənaye, Radiasiya və Nüvə Təhlükəsizliyi Komitəsinin nəzdindəki Radiasiya və Nüvə Təhlükəsizliyi üzrə Elmi-Texniki Mərkəzi ilə Türkiyənin NÜTED (Nüvə Texniki Dəstək Səhmdar Cəmiyyəti) təşkilatı arasında məlumat mübadiləsi və qarşılıqlı əməkdaşlığı nəzərdə tutan sənəd imzalanıb.

Saziş çərçivəsində iki tərəfin elmi-texniki potensialından səmərəli istifadəyə, sahədə toplanmış təcrübə və elmi biliklərin mübadiləsinə və müasir yanaşmaların praktikada tətbiqinə xüsusi diqqət yetirilir.

Həmçinin birgə elmi və tədqiqat işlərinin inkişaf etdirilməsi, texniki ekspertiza imkanlarının genişləndirilməsi və analitik potensialın artırılması planlaşdırılır. Mütəxəssislərin bacarıqlarının artırılması üçün təlimlərin, seminarların və digər peşəkar inkişaf tədbirlərinin təşkili də əməkdaşlığın vacib sahələrindən biridir.

Süleyman