19 sentyabrda Sankt-Peterburqdakı Rusiya Milli Kitabxanasının konsert zalında "Kəlağayı: Azərbaycanın Mədəni İrsinin İpək Simvolu" adlı mədəni gecə keçirilib.

Newscenter.az-ın xəbərinə görə, Azərbaycan və Rusiyanın dövlət himnlərinin səslənməsi ilə açıq elan edilən gecənin fəxri qonaqları arasında MDB Parlamentlərarası Assambleya Şurasının baş katibinin müavini və Azərbaycan Respublikası Milli Məclisinin səlahiyyətli nümayəndəsi Aydın Cəfərov, Milli Məclisin üzvü Sabir Hacıyev, Azərbaycan Respublikasının Sankt-Peterburqdakı konsulları Yeganə Qafqazlı və Həsən Nəsirli, akademik Heydər İmanov və digər şəxslər iştirak ediblər.

Leninqrad vilayətinin Azərbaycan Milli Mədəni Muxtariyyətinin sədri Naib Paşayev və Leninqrad vilayətinin Azərbaycan Milli Mədəni Muxtariyyətinin səlahiyyətli sədr müavini, Dünya Qadınlar Assosiasiyası "Xan Qızı Natəvan"ın sədri Kənul Abbasova tədbir iştirakçılarına və qonaqlara salamlama nitqi ilə müraciət edərək, bu cür tədbirlərin milli ənənələrin qorunması, Azərbaycan mədəniyyətinin tanıdılması və mədəniyyətlərarası dialoqun inkişafı üçün əhəmiyyətini vurğulayıblar.

Gecənin əsas hissələrindən biri kəlağayı moda nümayişi olub. Qonaqlara bu unikal Azərbaycan ipək şarfının geyinilməsinin müxtəlif adət-ənənələri təqdim edilib.

Gecə zəngin konsert proqramı ilə davam edib. İfaçılar arasında tenor Dmitri Kalyaka, beynəlxalq vokal müsabiqəsinin qalibi Olqa Sema, Ramiilə Rüstəmova, Zaur Yaqubov, "Səs" televiziya şousunun iştirakçısı Nurlan İsmayılov, Milana Qədimli, aşıq Vasif və "NAZ" Azərbaycan rəqs məktəbi olub.

Konsert proqramında Azərbaycan və rus əsərləri, vokal ifaları milli rəqslər və instrumental ifalar səsləndirilib.

Mədəniyyət gecəsinə Eldar Əlizadə və Kəmalə xanım ev sahibliyi ediblər.

Süleyman