Ukrayna energetika obyektlərinin 40 faizə yaxınının məhv olması səbəbindən Avropa İttifaqını (Aİ) elektrik enerjisi ilə təmin edə bilməyəcək.

Newscenter.az-ın məlumatına görə, “Report” Ukrayna KİV-ə istinadən xəbər verir ki, bu barədə Ukrayna Ali Radasının Energetika, Mənzil-Kommunal Təsərrüfatı Komitəsinin rəhbəri Andrey Gerus bildirib.

“Kütləvi raket hücumları Ukraynanın energetika sisteminin ümumi infrastrukturunun və generasiya gücünün təxminən 40 faizini sıradan çıxarıb. Bu gün üçün problemimiz elektrik stansiyalarına yaxın olan şəbəkələr və yarımstansiyalardır”, - o deyib.

Deputat qeyd edib ki, yarımstansiyalar elektrik enerjisinin tranzitini təmin edirdi və şəbəkələrin zədələnməsi səbəbindən istehlakçılar üçün müvəqqəti elektrik enerjisi çatışmazlığı yaranıb. “Eyni zamanda, ölkədə elektrik enerjisi istehsalı qıtlığı yaşanmır”, - o söyləyib.