Respublikanın Cənub regionunun enerji təchizatının yaxşılaşdırılması, istehlakçıların fasiləsiz olaraq keyfiyyətli elektrik enerjisi ilə təmin edilməsi, enerjisistemin dayanıqlığının və etibarlığının artırılması məsədilə 71 il əvvəl tikildiyindən istismar müddətini çoxdan başa vuran 110/35/6 kilovoltluq “Salyan” yarımstaniyası “AzərEnerji” tərəfindən tam yenidən qurulur. Qeyd edək ki, sistem əhəmiyyətli “Salyan” yarımstansiyası Salyan, Neftçala və Biləsuvar rayonlarının böyük hissəsini elektrik enerjisi ilə təmin edir.

Newscenter.az-a Səhmdar Cəmiyyətdən bildirilib ki, yarımstansiyada 110 kilovoltluq Açıq Paylayıcı Qurğu yenidən qurulur, ərazidə yeni rəqəmsal İdarəetmə Mərkəzi tikilir. Yerli SCADA, müasir mikroprosessor tipli rəqəmsal idarəetmə, mühafizə və avtomatika sistemləri, sabit və dəyişən cərəyan qurğuları ilə təchiz olunanan İdarəetmə Mərkəzində rayonun perspektiv inkişafını nəzərə alınaraq 35 və 6 kilovoltluq Qapalı Paylayıcı Qurğularda ehtiyat yuvalar yaradılır.

“Salyan” yarımstansiyasının yenidən qurulması ilə qəzaların qarşısının alınmasına, yarımstansiyadan qidalanan tələbatçıların daha etibarlı və fasiləsiz elektrik enerjisi ilə təmin olunmasına, şəbəkədə texniki itkilərin minimuma endirilməsinə nail olunacaq.

Sevinc