İran İslam Respublikası və Sudan diplomatik əlaqələri bərpa etmək qərarına gəliblər.

Newscenter.az İRNA-ya istinadən bildirir ki, bununla bağlı iki ölkənin Xarici İşlər Nazirlikləri birgə bəyanat yayıb.

Bəyanatda qeydcedilir ki, hər iki hökumət suverenliyə, bərabərliyə, ümumi maraqlara və dinc yanaşı yaşamaya qarşılıqlı hörmət əsasında aralarında dostluq münasibətlərini inkişaf etdirmək barədə razılığa gəliblər. Tərəflər iki ölkə xalqlarının maraqlarını həyata keçirə biləcək və regionun təhlükəsizliyini, sabitliyini təmin edə biləcək müxtəlif sahələrdə əməkdaşlığı genişləndirmək barədə razılığa gəliblər.

Anar TAGİYEV