"Amerika İsrailin cinayət ortağıdır. Çünki İsrailə silah yardımını məhz Amerika edir".

Newscenter.az İranın rəsmi dövlət agnetliyi olan İRNA-ya istinadən xəbər verir ki, bu fikirləri İslam Respublikasının prezidenti İbrahim Rəisi paytaxt Tehrandakı İnqilab meydanında keçirilən İsrailə etiraz nümayişində xalqa müraciəti zamanı səsləndirib.

İsrailin qadın və uşaq fərqi olmadan mülki insanları hədəf alması məğlubiyyətini ört-basdır etmək cəhdi olduğunu ifadə edən Reisi, ABŞ-ın bu məğlubiyyətin yaşanmaması üçün İsrailə hərtərəfli dəstək verdiyini bildirib.

"Qəzzada xəstəxanaya hücum İsrail üçün sonun başlanğıcı olacaq", deyə-İbrahim Rəisi vurğulayıb.

Anar TAGİYEV