BMT-nin Baş katibi Quttereşin İsraili HƏMAS-a qarşı Qəzzada həyata keçirdiyi əməliyyatla bağlı söylədiyi fikirlər Təl-Əvivdə ciddi etirazla qarşılanıb.

Newscenter.az "Haber Global"-a istinadən bildirir ki, Baş katibin "Mən Qəzzada müşahidə etdiyimiz beynəlxalq humanitar hüququn açıq şəkildə pozulmasından dərin narahatam. Gəlin açıq deyək. Silahlı münaqişənin heç bir tərəfi beynəlxalq humanitar hüquqdan üstün deyil", fikrinə kəskin etirazını bildirən İsrail Quttereşin istefasını tələb edib.

İsrailin xarici işlər naziri Eli Koen də Quterreşi sərt tənqid edib. İsrailli nazir BMT Baş katibinə “Sizin varlığınızı öldürüb məhv etməyə and içmiş biri ilə necə atəşkəs imzalaya bilərsiniz? sualnı ünvanlayıb.

Anar TAGİYEV