Nigeriyanın Rivers əyalətində neft boru kəmərində baş verən partlayışda 20 nəfər həyatını itirib.

Newscenter.az trthaber-ə istinadən bildirir ki, partlayışa səbəb bir qrup gəncin borudan neft oğurlamaq cəhdi olub. Neft kəmərinin deşilməsi nəticəsində baş verən partlayışda ətrafda olan onlarla şəxs də yaralanıb. Səlahiyyətlilər hadisə yerinə axtarış-xilasetmə qruplarının göndərildiyini və partlayışla bağlı araşdırmalara başlanıldığını bildirib.

Qeyd edək ki, Afrikanın neft və təbii qazla zəngin ölkəsi Nigeriyada zaman zaman neft oğurluğu hadisələri baş verir.

Anar TAĞIYEV