İraq İslami Müqavimətinə aid şiə silahlı qruplaşmaları pilotsuz uçuş aparatı (PUA) vasitəsilə İsrailə hücum edib.

Newscenter.az TASS-a istinadən xəbər verir ki, bu barədə radikal təşkilatın Telegram kanalında yerləşdirilmiş bəyanatında deyilir.

Məlumatda qeyd edilir ki, İraq İslami Müqavimətinin döyüşçüləri bu gün işğal olunmuş [Fələstin] ərazilərinin şimalında mühüm hədəfə hücum etmək üçün İHA-dan istifadə ediblər.

Qeyd edək ki, 2023-cü il oktyabrın 7-də Fələstin HƏMAS hərəkatı tərəfdarlarının Qəzza zolağından İsrail ərazisinə sızmasından və sərhəd yaşayış məntəqələrinin sakinlərinin öldürülməsi ilə müşayiət olunan Yaxın Şərqdə vəziyyətin gərginləşməsi fonunda İraqdakı şiə birləşmələri fəallığını artırıb.

Mehman Mehdiyev