Rusiya Şanxay Əməkdaşlıq Təşkilatına (ŞƏT) üzv dövlətlər arasında ticarət, investisiya və maliyyə sahələrində əməkdaşlığın inkişafı məsələlərini dərindən müzakirə etməyə hazırdır.

Newscenter.az TASS-a istinadən bildirir ki, bunu Düşənbədə Rusiyanın Tacikistandakı səfirliyinin müşaviri Vera Xutorskaya deyib.

"ŞƏT təşkilatı çərçivəsində ticarət, investisiya və maliyyə əməkdaşlığı intensiv şəkildə inkişaf etdirilir. Ötən il təsdiq edilmiş 2030-cu ilə qədər enerji əməkdaşlığı strategiyası tam sürətlə həyata keçirilir", -deyə diplomat qeyd edib. Onun sözlərinə görə, qlobal iqtisadiyyatda davam edən çətinliklərə baxmayaraq, 2024-cü ildə ŞƏT ölkələrinin ümumi ÜDM-i orta hesabla 5%-dən çox artıb ki, bu da ümumdünya orta göstəricilərindən yüksəkdir.


Mehman Mehdiyev