İstanbulda yerli və xarici ziyarətçilər üçün vacib dayanacaqlardan biri olan Ayasofya Məscidi, ibadət üçün yenidən açıldığı 6 il ərzində 30 milyondan çox insana ev sahibliyi edib.

Newscenter.az xəbər verir ki, bu barədə Türkiyənin Mədəniyyət və Turizm Nazirliyi məlumat yayıb. Bildirilib ki, ziyarətçilər əsasən, Uzaq Şərq və Orta Asiyadan gələnlər təşkil edib.

Qeyd edək ki, İstanbulun fəthinə qədər 916 il kilsə kimi istifadə edilən Ayasofya, 1453-cü ildə Fatih Sultan Mehmedin təsis edilməsi ilə məscidə çevrilib və 24 noyabr 1934-cü il tarixli Nazirlər Kabineti qərarı ilə muzeyə çevrilib və 86 il muzey kimi fəaliyyət göstərib.

Daimi bir fond olan Tarixi Abidələrə və Ətraf Mühitə Xidmət Assosiasiyası tərəfindən Ayasofyanın məsciddən muzeyə çevrilməsi ilə bağlı Nazirlər Kabineti qərarının ləğv edilməsini tələb edən iddia 10 iyul 2020-ci ildə başa çatıb. Dövlət Şurasının 10-cu Palatası 1934-cü il Nazirlər Kabineti qərarını yekdilliklə ləğv edərək Ayasofyanın ibadət üçün yenidən açılmasının qanuni yolunu açıb.

Elə həmin gün Prezident Rəcəb Tayyib Ərdoğan Ayasofyanın ibadət üçün yenidən açılması ilə bağlı fərman imzaladı. Ayasofya Böyük Məscidinin Dini İşlər İdarəsinə verilməsi və ibadət üçün yenidən açılması qərarı Rəsmi Qəzetin əlavə sayında dərc edilib.

Ayasofya Böyük Məscidi 24 iyul 2020-ci ildə Prezident Rəcəb Tayyib Ərdoğanın qatıldığı mərasimdə 86 ildən sonra ilk cümə namazı ilə ibadət üçün yenidən açıldı.

Arzu