Cənubi Sudanda 650 mindən çox qaçqın və sığınacaq axtaran şəxs vəsait çatışmazlığı səbəbindən ərzaq yardımından məhrum ola bilər.

Newscenter.az xəbər verir ki, bu barədə BMT-nin Ümumdünya Ərzaq Proqramı (ÜƏP) və BMT-nin Qaçqınlar üzrə Ali Komissarlığı (UNHCR) birgə bəyanat yayıb.

Təşkilatların məlumatına görə, son ərzaq bağlamaları sentyabr ayında ən həssas vəziyyətdə olan 240.000 qaçqına paylanacaq. Onlar müəyyən edilmiş qida payının yarısını alırlar. Ümumdünya Ərzaq Proqramının qaçqınlara yardım üçün maliyyələşdirmə çatışmazlığı 37 milyon dollar təşkil edir. BMT QAK-ı Cənubi Sudandakı əməliyyatlarını maliyyələşdirmək üçün 2026-cı ildə ehtiyac duyduğu 286 milyon dolların 28%-ni alıb.

Bir çox qaçqın ailəsi artıq yemək xərclərini azaldır, ərzaq almaq üçün borc götürür, əmlak satır və səhiyyə, təhsil və mənzil kimi xərcləri azaldır.

BMT-nin məlumatına görə, Cənubi Sudanda 7,8 milyondan çox insan və ya ölkə əhalisinin yarısından çoxu qida çatışmazlığından əziyyət çəkir. 2,2 milyon uşaq kəskin qidalanma çatışmazlığından əziyyət çəkir. Hər həftə qonşu Sudandan 3000-ə qədər qaçqın və geri qayıdan ölkəyə gəlir.

Anar