BMT ümid edir ki, ABŞ və İran düşmənçilikdəki fasilədən istifadə edərək fikir ayrılıqlarını həll etmək üçün diplomatik səyləri artıracaqlar. Bu barədə BMT baş katibinin sözçü müavini Fərhan Haq brifinqdə bildirib.

"Əlbəttə ki, tərəflərin bu döyüşlərdəki fasilədən diplomatik səylərini artırmaq və vasitəçilərlə işləmək üçün bir fürsət kimi istifadə edəcəyinə ümid edirik. Pakistan, Qətər və digərləri də daxil olmaqla vasitəçiləri tərəfləri danışıqlar masasına qaytarmaq üçün işlərini davam etdirməyə təşviq edirik", - deyə o, məsələ ilə bağlı suala cavab olaraq bildirib.

ABŞ-İran münaqişəsinin son eskalasiyası 8 iyulda başlayıb. Vaşinqton və Tehran arasında memorandumun imzalanmasından bəri ilk dəfə olaraq ABŞ qüvvələri İslam Respublikası ərazisinə bir neçə hücum təşkil edib və bu, guya Hörmüz boğazında ticarət gəmisinə edilən hücuma cavab olaraq baş verib. Elə həmin gün Tramp İranla atəşkəsin bitdiyini elan edib. Cavab olaraq Tehran Bəhreyn, İordaniya, Qətər, Küveyt, BƏƏ və Oman da daxil olmaqla, Yaxın Şərqdəki ABŞ hədəflərinə hücum etməyə başlayıb. 24 iyulda hər iki tərəf hücumlarını dayandırıb.