Rusiyada hərəkətdə olan yük qatarının 22 vaqonu relsdən çıxıb.

Newscenter.az TASS-a istinadən bildirir ki, hadisə Buryatiyada qeydə alınıb.

Hadisə nəticəsində insan tələfatı və ekoloji təhlükəsizliyə ziyan olmayıb. Hadisə ilə bağlı
Cinayət Məcəlləsinin 263-cü maddəsinin 1-ci hissəsi (hərəkətin təhlükəsizliyi və dəmir yolu nəqliyyatının istismarı qaydalarını pozma) maddəsi ilə cinayət işi açılıb. Bu barədə Rusiya İstintaq Komitəsinin Şərq Regionlararası İstintaq İdarəsinin mətbuat xidməti məlumat yayıb.

Şərqi Sibir Nəqliyyat Prokurorluğu bildirib ki, relsdən çıxma nəticəsində bir sərnişin qatarı və yeddi yük qatarı ləngiyib, infrastruktur obyektlərinə ziyan dəyib.

Anar Əliyev