İraqda gecə saatlarında doğum evində yanğın baş verib.

Newscenter.az "Haber Global"-a istinadən bildirir ki, yanğın zamanı 4 körpə ölüb, 36 nəfər yaralanıb.

Hadisə İraqın cənubundakı Divaniyyə şəhərində qeydə alınıb. İraqın səhiyyə naziri Salih əl-Hesnəvi hadisə yerində jurnalistlərə verdiyi açıqlamada yanğının xəstəxananı təmir edən tikinti şirkətinə məxsus tullantı materialları olan konteynerdə baş verdiyini bildirib. Nazir həlak olan 4 körpənin yanğından deyil, tüstüdən zəhərlənərək öldüyünü deyib.

Əl-Hesnəvi bildirib ki, istintaqın yekun nəticələri 3 gündən sonra açıqlanacaq.

Anar TAĞIYEV