Türkiyə və Suriya İsrailin İdlibdəki Əbu Duhur hərbi aerodromuna hücumundan sonra yeni hərbi əməkdaşlıq razılaşması imzalaya bilərlər.

Newscenter.az xəbər verir ki, bu barədə "Türkiyə" qəzeti məlumat yayıb. Qəzetin yazdığına görə, sənəddə həmçinin Təl-Əvivdən mümkün təhdidlərə cavab protokollarının yenilənməsi təklif olunur.

Nəşr yazır ki, Ankara İsraildən gələn təhdidlərə qarşı profilaktik cavab olaraq birgə təlimlər, eləcə də Türkiyənin AWACS təyyarələri və Hərbi Hava Qüvvələrinin qırıcı təyyarələri ilə sərhəd ərazilərində davamlı patrul xidməti təklif edib. Qəzet ortamüddətli tədbirlər arasında Suriya hava məkanının hərbi uçuşlara bağlanmasından bəhs edir.

Qeyd edək ki, Türkiyə yeni Suriya hakimiyyətinə silahlı qüvvələrinin yenidən təşkili və modernləşdirilməsi, eləcə də hərbi təlimlərində geniş kömək göstərir. İki ölkə arasında hərbi əməkdaşlıq 2025-ci ilin avqust ayında Ankarada imzalanmış memoranduma əsaslanır.

Süleyman