Yaponiya əhalisi, əcnəbilər istisna olmaqla, 42 ildə ilk dəfə 120 milyondan aşağı düşüb. Newscenter.az TASS-a istinadən bildirir ki, bu barədə hökumət mənbələri məlumat yayıb.

Statistikaya görə, son bir ildə Yaponiya əhalisi 916.000 nəfər azalaraq 119.736 milyona düşüb. Bu, 1968-ci ildən bəri əhalinin ən yüksək azalma tempidir. Bu arada, Yaponiyada yaşayan əcnəbilərin sayı tarixdə ilk dəfə olaraq 4 milyonu keçib.

Beləliklə, Yaponiyanın ümumi əhalisi 123,7 milyon nəfər idi.

Yaponiya son illərdə rekord səviyyədə aşağı doğum nisbəti ilə yanaşı, cəmiyyətin qocalması ilə də qarşılaşıb. Yerli mütəxəssislər qeyd edirlər ki, sürətlə qocalan bu əhali yaxın gələcəkdə Yaponiya üçün bir sıra çətinliklər yarada bilər. Məsələn, hazırda işləyən yaponlar yaşlılıq dövründə mövcud yapon təqaüdçüləri üçün mövcud olan pensiya müavinətlərini itirə bilərlər. 2053-cü ilə qədər Yaponiya əhalisinin 100 milyona, 2065-ci ilə qədər isə 88 milyona düşəcəyi proqnozlaşdırılır. Bu əhalinin otuz səkkiz faizi 60 yaşdan yuxarı olacaq.

Anar