Belarusdan Özbəkistana uzun müddət sonra ilk qatar reysi açılıb.

Newscenter-az "Sputnik Özbəkistan"a istinadən bildirir ki,
"Daşkənd Regional Dəmir Yolu Qovşağı" filialının Çukursoy stansiyasında Belarusdan gələn "Slavyanski Karvanı" yük qatarının təntənəli qarşılanma mərasimi keçirilib.
Tədbirdə "Özbəkistan Dəmir Yolları" ASC, "Temiryolinfratuzilma" ASC və "Daşkənd MTU" filialının rəhbərliyi, Belarus Respublikasının Özbəkistan Respublikasındakı səfirliyinin nümayəndələri və media təmsilçiləri iştirak ediblər.

Yeni nəqliyyat marşrutunun istifadəyə verilməsi Özbəkistan Respublikasının Prezidenti Şavkat Mirziyoyev və Belarus Respublikasının Prezidenti Aleksandr Lukaşenko arasında əldə edilən razılaşmaların və yüksək səviyyəli danışıqların praktik nəticəsi hesab olunur. İki ölkə liderləri tərəfindən müəyyən edilmiş strateji tərəfdaşlığın gücləndirilməsi, qarşılıqlı ticarət həcminin artırılması və sənaye əməkdaşlığının genişləndirilməsi vəzifələri müasir logistika infrastrukturu vasitəsilə həyata keçirilir.

30 iyul 2026-cı ildə Belarusun Orşa-Vostoçnaya stansiyasından yola düşən 3034 nömrəli qatar ümumilikdə 51 vaqondan ibarətdir. O, 3822 kilometr məsafə qət edərək Çukursay stansiyasına çatıb.

Mərasimdə qeyd olunub ki, "Özbəkistan Dəmir Yolları" ASC Belarus dəmir yolu administrasiyası ilə əməkdaşlığı inkişaf etdirmək, beynəlxalq nəqliyyat marşrutlarını təkmilləşdirmək və iki ölkə arasında ticarət-iqtisadi əlaqələri daha da genişləndirmək üçün işlərini ardıcıl olaraq davam etdirəcək.

Süleyman