İran hakimiyyəti vasitəçilər vasitəsilə ABŞ-a Hörmüz boğazının açılması şərtlərini çatdırıb. Bu şərtlərə Livan və Qəzza zolağındakı müharibələrə son qoyulması və İran aktivlərinin dondurulmasının ləğvi daxildir. Bu barədə İslam Respublikasının Ali Milli Təhlükəsizlik Şurasının yeni katibi Möhsün Rzayi bildirib.

“Tasnim” xəbər agentliyi onun sözlərini sitat gətirib: “ABŞ davranışını dəyişməyincə və İranın şərtlərini qəbul etməyincə boğaz açılmayacaq. ABŞ müharibəyə son qoymalı, İranın dondurulmuş vəsaitlərini geri ödəməli, Livan və Qəzza da daxil olmaqla, bütövlükdə regionda müharibəyə son qoymalı və vasitəçilər vasitəsilə çatdırılan digər şərtlər qəbul edilməlidir” .

Rezai vurğulayıb ki, İran və Oman arasında Hörmüz boğazı ilə bağlı razılaşma onun açılması məsələsinə heç bir şəkildə təsir göstərməyəcək.