İstanbulda Rusiya Ukrayna prezidentləri və yüksək vəzifəli nümayəndələri arasında keçiriləcək görüşdə Kiyev tərəfindən Zelenski, Rustem Umerov və digər şəxslər iştirak etsə də Moskva tərəfdən bir neçə nəfər elə də böyük nüfuz sahibi olmayan şəxslər nümayəndə qismində görüşə gəldi.
Bu isə Rusiyanın sülh danışıqlarında maraqlı olmadığını əsas səbəbin isə reallıqda tamam başqa məsələlər olduğu ortaya çıxır.

Birincisi, Rusiya tərəfi yaxşı anlayır ki, Ukrayna sülh danışıqlarını özünə uyğun şəkildə həyata keçirmək və mümkün qədər diplomatik strateji taktikalarla qarşı tərəfi güzəştlərə getməyə məcbur etsin.

İkincisi, Ukrayna Rusiya ilə sülh müqaviləsindən sonra dərhal yenidən gücünü bərpa etmək və daha da güclənmək üçün NATO a üzv olacaq və gələcəkdə ərazilərini işğaldan azad etmək üçün bu ittifaqın köməyindən istifadə edərək hərəkətə keçəcək.

Üçüncüsü, Ukrayna ilə müharibəni uzatmaqla Rusiya onun hərbi qüvvəsini və texnikasını tükəndirəcək, digər tərəfdən NATO nun etdiyi yardımları mümkün qədər təsirsiz hala salmaq üçün Çin, Şimali Koreya, Hindistan, Afrika və Latın Ölkələri ilə hərbi siyasi əməkdaşlığı daha da inkişaf etdirəcək.

Beləcə, sanksiyaların və baykotların hədəfinə çevrilmiş Moskva itirdiyi gücünü kompensasiya etmək üçün paralel olaraq yuxarıdakı ölkələri seçəcək.
Həm də müharibəni uzatmaqla NATO və Ukraynanı zəiflədəcək.

Əgər, Ukrayna ilə sülh bağlansa Zelenskinin ilk irəli sürəcəyi şərtlərdən biri Krımın və işğal edilmiş digər ərazilərin azad edilməsi, Rusiyanın Qara Dənizin Ukrayna sahillərində yerləşdirdiyi hərbi gəmiləri çıxarması və digər məsələlər olacaq, bu isə Putinin 3 illik müharibədən sonra peşkəş aldıqlarını geri qaytarması sayıla bilər.

Rusiya Ukrayna ilə o halda sülhə gələr ki, işğal etdiyi ərazilərin ilhaqı ilə Kiyev barışsın və ərazisində hər hansı xarici ölkənin hərbi qüvvələri yerləşməsinə həm də NATO a Ukrayna üzv olmasın.

Moskvanın ümid etdiyi həm də odur ki, Ukrayna daxilində müharibənin uzanması nəticəsində əsgər çatışmazlığı ucbatından məcburi hərbi xidmətə cəlb etmələr geniş ictimai etirazlara səbəb ola və Xalq itirilən ərazilərin qaytarılmasının qeyri mümkünlüyünü sübut gətirərək höküməti sülhə məcbur etsin və bir növ Kiyev kapitulyasiyaya getmiş olsun.

İsa İsmayılov, siyasi şərhçi

Newscenter.az üçün