Rusiya Federal Təhlükəsizlik Xidməti (FTX) Özbəkistan təhlükəsizlik qüvvələrinin köməyi ilə Moskvada miqrantları cəlb edən qadağan olunmuş dini qrupa qarşı əməliyyat keçirib.

Newscenter.az TASS-a istinadən bildirir ki, əməliyyat nəticəsində dini qruplaşmanın fəaliyyəti dayandırılıb. Araşdırma zamanı məlum olub ki, radikal dini qruplaşmanın kuratorları Avropada yerləşir.

Fəaliyyətlər nəticəsində radikalların Avropa İttifaqı ərazisində yerləşən TTP-nin ideoloqlarının koordinasiyası ilə əmək miqrantlarını terror təşkilatına cəlb etmələrini göstərən faktlar sənədləşdirilib.

Faktla bağlı Rusiya Federasiyası Cinayət Məcəlləsinin 205.5-ci maddəsinin 1-ci hissəsi (terror təşkilatının fəaliyyətinin təşkili və belə təşkilatın fəaliyyətində iştirak) ilə cinayət işi başlanıb.

Axtarış və istintaq tədbirləri davam etdirilir.

Anar Əliyev