Qırğızıstan prezidenti vəzifəsinə namizədlərin sayı yeddiyə çatıb:

Newscenter.az xəbər verir ki, bu barədə ölkənin Mərkəzi Seçki Komissiyası məlumat yayıb. Bildirilib ki, bu gün Baktıbek Kalmamatov Mərkəzi Seçki Komissiyasına namizədliyini irəli sürmək niyyətini təqdim edib. Kalmamatov keçmiş millət vəkilidir.

Bundan əvvəl seçkilərdə iştirak etmək niyyəti ilə bağlı bəyanatları hazırkı dövlət başçısı Sadır Japarov, Rusiya-Qırğızıstan İnkişaf Fondunun idarə heyətinin keçmiş üzvü Aymen Kasenov, Çuy vilayətinin rayonlarından birinin keçmiş rəhbəri Azamat Esenbekov, Qırğızıstan Maliyyə Polisinin keçmiş rəhbəri Syimyk Japıkeev, iş adamı Akai Kıdırov və Qırğızıstan kommunistlərinin lideri İshaq Masaliyev təqdim etmişdilər.

Qırğızıstanda prezident seçkiləri 27 yanvar 2027-ci il tarixinə planlaşdırılıb. Namizədlərin irəli sürülməsi 13 noyabrda başa çatacaq və bundan sonra qeydiyyat prosesi başlayacaq. Bunun üçün namizədlər ən azı 30.000 seçici imzası toplamalı və 1 milyon som (11.400 ABŞ dolları) depozit ödəməlidirlər.

Süleyman