“Azərbaycan Dəmir Yolları”nın rəhbərliyindən uzaqlaşdırılaraq Rəqəmsal inkişaf və nəqliyyat nazirinin müavini təyin olunan Cavid Qurbanov ciddi tədarük içindədir. Bu barədə DİA.AZ-a mötəbər mənbələrdən informasiya daxil olub.
Xəbəri verən qaynaq iddia edir ki, ola bilsin bu tədarük növbədənkənar və yaxud da növbəti parlament seçkiləri ilə bağlıdır.
Xatırladır ki, son günlər yeli KİV-də Milli Məclisə növbədənkənar seçkilərin keçirilə biləcəyi haqda müxtəlif səpgili məlumatlar təqdim olunmaqda, müzakirələr açıqlmaqdadır. Məlumatlı mənbənin bildirdiklərindən belə anlaşılır ki, Cavid Qurbanov da həmin prosesə ehtiyatını görür və ola bilsin ya özünün, ya da hansısa yaxınlarının yeni Milli Məclis heyətində təmsilçiliyinə nail ola bilməsi üçün hərkətdədir.
Qeyd edək ki, Cavid Qurbanov bu gün “vurulmuş” məmur kimi görünsə də onun hakimiyyət daxilində kifayət qədər rıçaqları var.
Şərti olaraq “Kəlbəcər klanı” adlandırılan Cavid Qurbanovun vəzifəli qohumlarının siyahısını təqdim edirik:
Vyana Mədəniyyət Mərkəzinin rəhbəri Leyla Eldar qızı Qasımova – Cavid Qurbanovun həyat yoldaşı,
Ədliyyə müşaviri, Baş prokurorluqda Cinayət təqibindən kənar icraat idarəsinin rəis müavini Şəmşir Şəmşirli – Cavid Qurbanovun oğlu,
Abşeron rayon Polis Şöbəsinin rəisi Şəhriyar Şəmşirli – Cavid Qurbanovun qardaşı,
Tibbi-Sosial Ekspertiza və Reabilitasiya Xidmətinin rəisi işləmiş, “Az-Qo” MMC və “Sayalı” MMC şirkətlərinin sahibi, işadamı İlqar Qurbanov – Cavid Qurbanovun qardaşı,
Milli Məclisin deputatı Aqil Məmmədov – Cavid Qurbanovun əmisi oğlu,
Kəlbəcər rayon İcra Hakimiyyətinin başçısı Azər Qocayev – Cavid Qurbanovun qohumu, Aqil Məmmədovun əmisi nəvəsi,
Korrupsiyaya qarşı Baş Mübarizə İdarəsinin prokuroru Nicat Şəmşirov – Cavid Qurbanovun əmisi oğlu,
Xəzər rayonu Yol İstismar İdarəsinin rəisi Cabir Qurbanov – əmisi oğlu
Sumqayıt şəhər Məşğulluq İdarəsində şöbə müdiri Nahid Şəmşirov – Cavid Qurbanovun əmisi oğlu,
Kəlbəcərin Ağdaban kənd icra nümayəndəsi Murad Qurbanov – Cavid Qurbanovun əmisi oğlu,
Nəqliyyatda Baş Polis İdarəsində yüksək vəzifədə çalışan Əkbər Şəmşirli – Cavid Qurbanovun qardaşı oğlu,
Yevlax Rayonu, Kolanı kəndində Quşçuluq firmasının rəhbəri Fərhad Şabər oğlu Qurbanov – Cavid Qurbanovun əmisi oğlu,
“Azərbaycan Dəmir Yolları” QSC-nin həkim-sanitar xidmətinin rəisi Adil Şükürov – Cavid Qurbanovun yaxın qohumu,
“KDY logistics” adlı dəmir yolu ilə yük daşımaları şirkətinin rəhbəri Qalib Məmmədov – Cavid Qurbanovun qohumu.
Prezident yanında Dövlət İdarəçilik Akademiyasında “Dövlət və bələdiyyə idarəetməsi” ixtisasını qiyabi oxuyan, YAP Kəlbəcər rayon təşkilatının sədri Həbib Misirov – Cavid Qurbanovun yaxın adamı, qohumuq əlaqələri olduğu da deyilir,
Dağıstanın Yujdağ İnstitutunun Hüquq fakültəsi diplomu ilə Bakı Apellyasiya Məhkəməsinin hakimi olmuş Xəyalə Cəmilova, kəlbəcərli şair Adil Cəmilin qızı – Cavid Qurbanovun yaxın adamı,
Parlamentin deputatı Jalə Əliyeva – Cavid Qurbanovun kurasiyasında olan deputatlardan biri,
Vəsilə Abdulova – Cavid Qurbanovun himayəsində olan “TOPAZ”- qumar biznesinə rəhbərlik edən şəxs,
Kəlbəcər rayon 2 saylı orta məktəbin direktoru Azad Əsgərov – Cavid Qurbanovun qohumu…
DİA.AZ bildirir ki, yəni belə bir güclə Cavid Qurbanovun istənilən bir prosesə müdaxiləsi və müqaviməti kifayət qədər inandırıcı görünür…
İddia olunanlarla bağlı Newscenter.az olaraq bütün maraqlı tərəfləri dinləməyə hazırıq
