Ukrayna Prezidenti Vladimir Zelenski müdafiə və təhlükəsizlik orqanlarının rəhbərləri ilə qapalı rejimdə görüş keçirib.

Newscenter.az xəbər verir ki, bu barədə Prezident Ofisinin mətbuat xidməti məlumat yayıb.

İclasda Ukrayna Silahlı Qüvvələrin, kəşfiyyat orqanlarının, Müdafiə Nazirliyinin, Daxili İşlər Nazirliyinin, Təhlükəsizlik Xidmətinin və digər müdafiə qüvvələrinin rəhbərləri iştirak ediblər.

Qeyd edilir ki, müdafiə idarələrinin rəhbərləri cəbhədəki əməliyyat şəraiti barədə məlumatları dinləyib, müzakirə edib, təhlükəsizlik və müdafiənin digər məsələlərini nəzərdən keçirib, həmçinin Ali Baş Komandanın əvvəlki sərəncamlarının icra vəziyyətini müzakirə ediblər.

Prezident Ofisindən verilən məlumata görə, görüş zamanı Ukrayna ordusunun ehtiyacları və ölkənin müxtəlif səviyyələrdə beynəlxalq tərəfdaşları ilə koordinasiya məsələləri müzakirə olunub.

Anar TAGIYEV