Çərşənbə, 1 dekabr 2021, 23:17:05  
Sizin Reklam Burada.

Qadın Parlament Sədrlərinin 14-cü Sammitinin iştirakçıları Səmərqənd şəhərinə səfər ediblər

Qadın Parlament Sədrlərinin 14-cü Sammitinin iştirakçıları Səmərqənd şəhərinə səfər ediblər


Xəbər verdiyimiz kimi, Milli Məclisin sədri Sahibə Qafarova Qadın Parlament Sədrlərinin 14-cü Sammitində iştirak etmək məqsədilə Özbəkistanın paytaxtı Daşkənd şəhərinə işgüzar səfər edib. Sentyabrın 10-da sammitdə iştirak edən nümayəndə heyətləri Özbəkistanın Səmərqənd şəhərinə gəliblər.

Newscenter.az xəbər verir ki, Milli Məclisin sədri Sahibə Qafarova, Özbəkistan Ali Məclisi Senatının sədri Tənzilə Narbayeva, Parlamentlərarası İttifaqın baş katibi Martin Çunqonq, sammitdə iştirak edən parlament rəhbərləri və onların başçılıq etdikləri nümayəndə heyətləri Səmərqəndin tarixi və mədəni yerləri ilə tanış olublar. Qonaqlar Uluqbek Rəsədxanası, Müqəddəs Daniil məqbərəsi, Şahi-Zində məqbərəsi, Bibixanım məqbərəsi, Registan meydanı və Əmir Teymur məqbərəsində olublar. Burada nümayəndə heyətlərinin üzvlərinə tarixi yerlər haqqında ətraflı məlumat verilib.

Burada Milli Məclisin sədri Sahibə Qafarova Özbəkistan kütləvi informasiya vasitələrinə müsahibə verib.

Arzu
Xəbəri paylaş