Prezident İlham Əliyev “Bakı metropoliteni işçilərinin peşə bayramının təsis edilməsi haqqında” sərəncamında dəyişiklik edilməsi barədə sərəncam imzalayıb.

Newscenter.az-ın xəbərinə görə, sərəncamla hər il noyabr ayının 6-sı Bakı metropoliteni işçilərinin peşə bayramı günü kimi qeyd olunacaq.

İndiyədək metropoliten işçilərinin peşə bayramı 8 noyabrda qeyd olunurdu.

Qeyd edək ki, 8 noyabr Azərbaycanda Zəfər Günü kimi qeyd olunur.

XXX

Azərbaycanda “Turizm işçiləri günü” də dəyişdirilib.

Bununla bağlı Prezident İlham Əliyev sərəncam imzalayıb.

“Azərbaycan Respublikasında “Turizm işçiləri günü” peşə bayramının təsis edilməsi haqqında” Prezidentin 2016-cı il 1 sentyabr tarixli 2297 nömrəli sərəncamında dəyişiklik edilib. Dəyişikliyə əsasən “Turizm işçiləri günü” bundan sonra sentyabrın 27-də deyil, 29-da qeyd olunacaq.