"Azərbaycan Kibertəhlükəsizlik Təşkilatları Assosiasiyası" (AKTA) İctimai Birliyinin İdarə Heyətinin (İH) sədri Rahid Ələkbərli vəzifəsini tərk edib.

Newscenter.az-ın AKTA-ya istinadən verdiyi xəbərə görə, o, bununla bağlı İH-nin toplantısında təklif irəli sürüb.

İH üzvləri arasında aparılmış müzakirələrdən sonra sədr vəzifəsinin “Cyberpoint” şirkətinin direktor müavini Elvin Balacanova həvalə olunması qərara alınıb. O, AKTA-nın gələcək fəaliyyət planının formalaşdırılması, görüləcək işlər barədə ilkin təkliflərini İH-nin diqqətinə çatdırıb.