![Nazir döyüş hazırlığının daha da yüksəldilməsi ilə bağlı komandanlığa tapşırıq verib](/uploads/posts/2022-11/zakir-6555.jpg)
Müdafiə naziri Zakir Həsənov Hərbi Hava Qüvvələrinin, Xüsusi Təyinatlı Qüvvələrin, həmçinin Raket və Artilleriya Qoşunlarının ölkəmizin cənub rayonlarında dislokasiya olunan hərbi hissələrində və Əməliyyat (Komando) bölmələrində olub, buradakı təlim mərkəzlərinə baxış keçirib, bölmələrin praktiki döyüş hazırlığı məşğələlərini izləyib. Əməliyyat planları dəqiqləşdirilib, döyüş hazırlığının daha da yüksəldilməsi ilə bağlı komandanlıq qarşısında konkret tapşırıqlar qoyulub.
Newscenter.az xəbər verir ki, bu barədə bu gün Müdafiə Nazirliyində keçirilən müşavirədə məlumat verilib.
General-polkovnik Z.Həsənov şəxsi heyətin ideoloji iş və mənəvi-psixoloji təminatının daha da gücləndirilməsinə daim diqqət yetirilməsinin vacibliyini qeyd edib.