Siyəzən rayonunun Eynibulaq kəndində yol-nəqliyyat hadisəsi baş verib, ölən və xəsarət alanlar var.

Bu barədə Newscenter.az-a FHN-dən bildirilib.

Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub. Əməliyyat şəraiti qiymətləndirilərkən müəyyən olunub ki, “Mercedes” və “Opel” markalı iki minik avtomobili toqquşub, 4 nəfər avtomobillərdə sıxılmış vəziyyətdə qalıb.

Həyata keçirilən xilasetmə tədbirləri nəticəsində 3 nəfər sağ, digər 1 nəfərin meyiti zədələnmiş avtomobillərdən çıxarılaraq təcili tibbi yardım briqadasına təhvil verilib.