"Rusiya Federasiyasının prezidenti Vladimir Putinin İrəvan səfəri zamanı qarşısına qoyduğu əsas məqsədlərdən biri də Ermənistanla Azərbaycan arasında mümkün sülh müqaviləsinin gerçəkləşdirilməsinə mane olmaq idi".

Belə bir açıqlama ilə çıxış edən politoloq Vüqar Dadaşov Newscenter.az-a bildirib ki, Rusiya Ermənistana arxalanmadığından etimadı Qarabağa və orada yaşayan ermənilərə göstərir:

"Hələ xeyli müddət əvvəl Rusiyanın Qarabağda Ruben Vardanyan gedişi haqqında fikirlərimi bildirmişəm. Azərbaycan prezidenti cənab İlham Əliyevin Moskvanın göndərdiyi Vardanyanla heç bir danışıqların aparılmayacağı barədə sərt mövqeyi təbii ki, geniş mənada Rusiyanın Qarabağla bağlı Ermənistanla əlaqəli olmayan planlarından xəbər verir".

Anar