Mina təmizləmə dünyada ən təhlükəli peşədir. Həyatında cəmi 1 dəfə səhv edə bilirsən, o da ən yaxşı halda xəsarətlə bitir. Bax hərbçilərimiz ona görə hərdən minaya düşür ki, minaları hərbçilər təmizləyirlər və bu çox təhlükəli prosesdir, hər an istehkamçı ölümlə üz-üzə dayanır.

Newscenter.az xəbər verir ki, bu fikirləri hərbi ekspert Ədalət Verdiyev səsləndirib. O bildirib ki, kiçik bir səhv həyatı bitirə bilir:

"Heyvanlar isə minalardan təmizlənmiş ərazilərdə yerləşdirildiyinə görə minaya düşmürlər. Bunu anlamaq çətin deyil və bilirəm ki, bunu çoxları bilir, sadəcə az sayda Vətənə və millətə faydası dəyməyənlər Qələbəmizi kiçiltmək üçün hər gün bir mövzu axtarırıar".

Ədalət Verdiyev vurğulayıb ki, aalib xalq olmağı bacarmalıyıq, onun statusuna uyğun davranmalıyıq:

"Özümüzü də erməni ilə deyil, daha sivil xalqlarla müqayisə etməliyik".

Anar