Ermənistan Azərbaycanla şərti sərhəddə sistemli olaraq təxribatlara əl atır. Dünəndən başlayaraq bir neçə dəfə Azərbaycan Silahlı Qüvvələrinin mövqelərinin atəşə tutulması belə deməyə əsas verir. Halbuki elə bu ərəfədə Azərbaycan və Ermənistan arasında sülh müqaviləsinin imzalanması məqsədilə tərəflər arasında bir neçə məqamların tam razılaşdırıldığı barədə xəbərlər yayılıb.

Newscenter.az-ın xəbərinə görə, baş verənlərlə bağlı fikirlərini bildirən politoloq Zeynal Əmrəliyevin sözlərinə görə, Ermənistanın cəbhədə təxribatları onu göstərir ki, bu ölkə ilə sülh mümkün deyil:

"Ermənistan özü könüllü sülhə gəlməyəcək. Onun nəyisə qəbul etməsi sadəcə baş aldatmaqdır. Gərək Ermənistanı həqiqi sülhə məcbur edəsən. İmzalanacaq sülhdə mütləq Zəngəzur məsələsi də yer almalıdır".

Anar Əliyev