Kipr probleminin həllini yalnız ada sakinləri və onların BMT-nin dəstəyi ilə icmalararası dialoqdakı səlahiyyətli nümayəndələri həll edə bilər.

Newscenter.az TASS-a istinadən bildirir ki, bu barədə Rusiyanın Kipr Respublikasındakı səfiri Murat Zyazikov bildirib.

"Bu, uzun illərdir Birləşmiş Millətlər Təşkilatının qarşısında duran çətin vəzifələrdən biridir. Müasir çoxqütblü dünya nizamında mübahisələrin həlli üçün əsas beynəlxalq forum olan BMT başa düşür ki, yalnız Kipr icmalarının liderləri BMT-nin himayəsi altında aparılan konstruktiv dialoq yolu ilə adada nizamlanmaya nail ola bilərlər", - deyə Rusiya diplomatik missiyasının rəhbəri qeyd edib.

Onun sözlərinə görə, BMT Baş katibinin Kipr üzrə şəxsi elçisi Maria Angela Holguinin adaya bu yaxınlarda səfəri BMT-nin adanın probleminə ciddi yanaşmasını və dialoq üçün konstruktiv əsas tapmaq və icmalararası etimadın gücləndirilməsi üçün vacib tədbirlər barədə razılığa gəlmək öhdəliyini nümayiş etdirir.

Anar