Avropa Birliyinin (AB) Genişlənmə üzrə Komissarı Marta Kos sabah Türkiyəyə rəsmi səfər edəcək.

Newscenter.az trthaber-ə istinadən bildirir ki, Kos xarici işlər naziri Hakan Fidan ilə görüşəcək.

Nazir Fidanın Kosla görüşü zamanı Prezident Rəcəb Tayyib Ərdoğanın müəyyən etdiyi vizyon çərçivəsində AB-yə tam üzvlüyün Türkiyənin strateji məqsədi olaraq qaldığını vurğulaması və AB-nin Türkiyəyə qarşı siyasətində qərəzsiz, rasional, ləyaqətə əsaslanan ədalətli yanaşma qəbul etməsinin vacibliyinə diqqət çəkməsi gözlənilir.

Bu kontekstdə Fidanın Türkiyənin digər namizəd ölkələrlə aparılan bütün proseslərə və əlaqələrə bərabər şəkildə daxil edilməsinin vacibliyini vurğulaması və ikitərəfli münasibətlərdəki mövcud çıxılmaz vəziyyətin dərhal həll edilməsini təmin etmək üçün hərtərəfli, institusional və çoxqatlı əməkdaşlıq çərçivəsinin lazım olduğunu bildirməsi nəzərdə tutulur.

Anar